Hebrews 1
Yesu mene Tuwa Bayaura ge name eno keregairo tugata yena.
1Tuwa Bayau mene gitau porofete eno ge benaung gitita nagibo susuwa giti awiya tugata naunu awong ewowo naname eno tugata nasani nauwa. 2Ora aung yaora be yeme eune zo nung Mani nuna senu name eno ge tugata yena. Mani nung nona apakana auna maung yero naise sena. Gitau Maung mene senu Mani amimene nona apakana yero aung yena. 3Mani mene asisi ine yero Tuwa Bayaura simao waegaore awiya naname-una pugatinoiya. Nung buro apakana Maung mene noiya deka ayero noiya, arare ge putoungne nuna mene nona apakana soganoi mitowa. Nune pasena disao buro yero besugairo aune witi uritira yero Tuwa Bayau putoungne auna wawong mera atu adungno mitoiya ara.Angelo awong wosao, arata Tuwa Bayaura Mani nung witao.
4Yazo bowire nuna mene angelora yazo bowire daigatinoiya, deka ayero nune angelo apakana daigatinoiya. 5Tuwa Bayau mene angelo zo eno eyero oko sena,- Ning awiya Mani nana. Na yeme Maung nina nena.
- Na Maung nuna yero narinena.
- Nung Mani nana yero naise.
- Tuwa Bayaura angelo dubu awong yazo nuna de ika naese.
- Nung angelo dubu nuna eno sinoi benaung nunae kapetegairo bisi ine yero nowa. Nung soumani dubu nuna eno sinoi benaung kapetegairo iyao ine yero nowa.
- O Tuwa Bayau, Tuwa yero nao nina awiya tau-tataware yero mitao gege mitariniya. Ning dubu nina iwaing-kawaing diya nosa.
- O Tuwa, ning tawing yasa. Nupema uriti awiya wawong nina mene yasa.
- Ning buro wawong me nana-una atu adungno mitasa na iwo dubu nina awiya benaung nina-una pugana te paka yero isi yase.
Copyright information for
ZIA